شہر قائد میں تیز رفتار ڈمپر نے 3 موٹرسائیکل سوار بھائیوں کو کچل ڈالا جس کے باعث ایک جاں بحق جبکہ 2 زخمی ہوگئے۔
پولیس کے مطابق حادثہ موچکو کے علاقے میں پیش آیا، تینوں بھائی موٹر سائیکل پر جارہے تھے کہ ان پر تیز رفتار ڈمپر چڑھ دوڑا جس کے نتیجے میں ایک بھائی موقع پر جاں بحق جبکہ دو بھائی زخمی ہوگئے جنہیں ریسکیو ٹیم نے ہسپتال پہنچایا۔
پولیس نے موقع پر پہنچ کرڈمپر کو تحویل میں لے کر ڈرائیور کو گرفتار کرلیا، متوفی کی شناخت راحب ولد افغان جبکہ زخمیوں کی شناخت سعد افغان اور ملیر افغان کے نام سے ہوئی ہے، زخمیوں کی حالت خطرے سے باہر ہے۔