مسلم لیگ ن کے رہنما حنیف عباسی نے پی ٹی آئی کی جانب سے آئی ایم ایف کو خط پر ردعمل دیتے ہوئے کہا کہ پی ٹی آئی کا آئی ایم ایف کو ڈوزیئر ملکی معیشت کو نقصان پہنچانے کی ایک اور کوشش ہے۔
حنیف عباسی نے اپنے ایک بیان میں کہا کہ کوئی جماعت عالمی مالیاتی اداروں میں اپنے ملک کے خلاف لابنگ نہیں کرتی، پی ٹی آئی کا خط پاکستان کی معاشی خودمختاری پر براہ راست حملہ ہے۔
رہنما مسلم لیگ ن نے کہا کہ پی ٹی آئی کی یہ کوشش اس کے مسلسل ریاست مخالف رویے کا اظہار ہے۔
حنیف عباسی نے کہا کہ پی ٹی آئی قومی بحرانوں سے ہی اپنی سیاست چمکاتی ہے، قوم کو پی ٹی آئی کے بار بار دہرانے والے طرز عمل کو پہچاننا ہوگا، جب پاکستان ترقی کی راہ پر آتا ہے، پی ٹی آئی تخریبی عنصر کے طور پر سامنے آتی ہے۔
واضح رہے کہ قومی اسمبلی میں قائد حزب اختلاف و پاکستان تحریک انصاف کے رہنما عمر ایوب نے تصدیق کی کہ اسلام آباد میں آئی ایم ایف مشن کوڈوزیئر اورخط بھیج دیا ہے۔
انہوں نے کہاکہ ڈوزیئرچیف جسٹس آف پاکستان کوبھی بھجوایا گیا اور ڈوزیئر میں عام انتخابات میں دھاندلی سے متعلق شواہد موجود ہیں۔