وفاقی وزیر داخلہ محسن نقوی نے ایف ایٹ جناح ایونیو انٹرچینج پراجیکٹ کا دورہ کیا اور زیر تعمیر فلائی اوور کے فنشنگ ورک کا معائنہ کیا۔
وزیر داخلہ محسن نقوی نے پراجیکٹ کو 100 فیصد مکمل کرنے کیلئے 18 فروری تک کی ڈیڈ لائن دیتے ہوئے کہا ہے کہ منصوبے کے تمام کام خصوصاً رابطہ سڑکیں اور ہارٹیکلچر کو جلد مکمل کیا جائے۔
محسن نقوی نے پراجیکٹ پر کام میں مصروف مزدوروں سے ملاقات کی اور ان سے بات چیت کی اور دن رات منصوبے پر کام کرنے پر مزدوروں کو شاباش دی اور مزید محنت سے کام کرنے کی تلقین کی۔
وزیر داخلہ نے پراجیکٹ کے اطراف میں ملبے کو فوری طور پر ہٹانے کا حکم دیتے ہوئے کہا ہے کہ پراجیکٹ کے بیوٹیفیکشن ورک میں کوتاہی برداشت نہیں، فلائی اوور کے نیچے رابطہ سڑکوں پر کام تیز کیا جائے۔
اس موقع پر چیئرمین سی ڈی اے محمد علی رندھاوا اور پراجیکٹ ڈائریکٹر نے منصوبے پر پیشرفت کے بارے بریفنگ دی۔