نئے وزیراعلیٰ پنجاب سے حلف گورنر پنجاب نہیں لیں گے

نئے وزیراعلیٰ پنجاب میاں حمزہ شہباز سے حلف گورنر پنجاب نہیں لیں گے۔ انتہائی باوثوق ذرائع نے بتایا ہے کہ گورنر پنجاب عمر سرفراز چیمہ نے کہا ہے کہ جب تک پنجاب اسمبلی میں ہونیوالی ہنگامہ آرائی کی تفصیلی رپورٹ سامنے نہیں آتی، وہ حلف نہیں لیں گے۔ ذرائع کا کہنا ہے کہ گورنر پنجاب نے کہا ہے کہ اسمبلی میں ہونیوالی ہنگامہ آرائی کے ذمہ داروں کا تعین کرنا ضروری ہے۔ دوسری جانب مسلم لیگ ن نے گورنر کی جانب سے حلف نہ لئے جانے پر چیف جسٹس لاہور ہائیکورٹ سے رابطہ کیا ہے اور اب لیگی قیادت نے فیصلہ کیا ہے کہ چیف جسٹس لاہور ہائیکورٹ ہی نومنتخب وزیراعلیٰ پنجاب سے حلف لیں گے۔ وزیراعلیٰ کی تقریب حلف برداری آج رات 8 بجے گورنر ہاوس میں ہوگی۔