اسلام آباد (شوریٰ نیوز)سائفر تحقیقات کیس، چیئرمین پی ٹی آئی یکم اگست کو طلب،ایف آئی اے کی جانب سے چیئرمین پی ٹی آئی کو نوٹس جاری کردیا گیا ، جس میں انہیں سائفر تحقیقات کیس میں پیش ہوکر سوالوں کے جواب دینے کی ہدایت کی گئی ہے۔نوٹس میں کہا گیا ہے کہ آپ کے ریکارڈ کرائے گئے بیان اور شواہد و ریکارڈ کاجائزہ لینے کے بعد مزید سوال اٹھے ہیں جن کے جواب درکار ہیں۔ یکم اگست کو دن بارہ بجے ایف آئی اے ہیڈ کوارٹرز میں جے آئی ٹی کے سامنے پیش ہوں۔مشترکہ تحقیقاتی ٹیم نے چیئرمین پی ٹی آئی کو اپنے موقف کے حق میں دستاویزات بھی ہمراہ لانے کی ہدایت کی ہے۔