نگران وزیراعظم کیلئے پیپلز پارٹی اپنا نام تجویز کرے گی

اسلام آباد ( شوریٰ نیوز ) پیپلز پارٹی کے رہنما فیصل کریم کنڈی نے کہا ہے کہ پیپلز پارٹی نے ابھی تک نگران وزیرِ اعظم کے لیے کوئی نام فائنل نہیں کیاتاہم نگران وزیراعظم کے لیے دو چار روز میں پیپلز پارٹی اپنی طرف سے نام تجویز کرے گی۔ نجی ٹی وی سے گفتگو کرتے ہوئے پی پی پی رہنما کا کہنا تھا کہ پارٹی کی لیڈر شپ اور کور کمیٹی نے نگران وزیراعظم کے نام سے متعلق فیصلہ کرنا ہے۔ ،دو چار روز میں حتمی لسٹ جلد سامنے آجائیگی، (ن) لیگ کی طرف سے نگران وزیراعظم کے لیے جو بھی نام آئیں گے اس پر بات چیت ہوگی۔سابق صدر آصف علی زرداری اور سابق وزیراعظم نواز شریف کے درمیان دبئی میں ہونے والی ملاقات کی تردید کرتے ہو ئے فیصل کریم کنڈی کا کہنا تھا کہ آصف زرداری اور نوازشریف کی دبئی میں کوئی میٹنگ نہیں ہوئی، آصف زرداری اس وقت دبئی سے باہر ہیں، ان کی نوازشریف سے کوئی ملاقات نہیں ہوئی۔ فیصل کریم کنڈی کا کہنا تھا کہ حلقہ بندیوں پر ایم کیو ایم نے اعتراضات کیے ہیں، الیکشن ملتوی نہیں ہونے چاہئیں، خواہش ہے کہ اکتوبر میں الیکشن ہوں ، ملک الیکشن میں 4 سے 6 ماہ کی تاخیر کا متحمل نہیں ہو سکتا۔ ہماری خواہش ہے کہ الیکشن کوئی بھی جیتے یا ہارے، فری اینڈ فیئر سمجھے۔