شمالی غزہ میں فلسطینی مزاحمت کاروں کے حملوں میں ایک اسرائیلی فوجی ہلاک ہوگیا۔
اسرائیلی فوج کی جانب سے جاری بیان کے مطابق آج شام شمالی غزہ کے علاقے بیت حانون میں فلسطینی مزاحمت کاروں کے حملے میں 23 سالہ اسرائیلی فوجی یوریل پیریٹز ہلاک ہوگیا۔
اسرائیلی فوج کے بیان میں کہا گیا ہے کہ اسرائیلی فوج کا دستہ شمالی غزہ میں ایک عمارت میں موجود تھا کہ فلسطینی مزاحمت کاروں نے فوجی دستے کا پتا لگا کر اس پر قریب سے راکٹ داغا، اس حملے میں 7 اسرائیلی فوجی زخمی بھی ہوئے۔
خیال رہے کہ گزشتہ روز بھی شمالی غزہ کے علاقے جبالیہ میں فلسطینی مزاحمت کاروں کے حملے میں ایک اسرائیلی فوجی ہلاک ہوا تھا۔
7 اکتوبر 2023 سے جاری جنگ میں اب تک 825 اسرائیلی فوجی ہلاک ہوچکے ہیں۔