حزب اللہ لبنان نے شام کے مقبوضہ علاقے جولان میں غاصب صیہونی حکومت کے الفوران فوجی اڈے پر پہلی بار میزائلی حملہ کیا ہے۔حزب اللہ نے بتایا ہے کہ مقبوضہ جولان میں الفوران فوجی بیس شام کے مقابلے میں صیہونی فوجیوں کا ایک اہم اڈہ ہے۔
حزب اللہ کا کہنا ہے کہ ایک دن میں مقبوضہ فلسطین میں صیہونیوں کے مراکز پر 350 سے زائد میزائل فائر کئے گئے جن میں سے سترہ میزائل تل ابیب پر گرے اور ان میزائلی حملوں کے نتیجے میں چالیس لاکھ صیہونی آبادکار پناہ گاہوں میں جانے پر مجبور ہوگئے۔
حزب اللہ نے بتایا کہ اس کے مجاہدین نے پیر کی شام جنوبی لبنان کے شہر الخیام میں غاصب صیہونی فوجیوں کے ایک مرکز پر کئی راکٹوں سے حملہ کیا ۔
حزب اللہ لبنان نے بتایا ہے کہ جنوبی لبنان کے شمع گاؤں کے مغرب میں صیہونی فوجیوں کا ایک مرکاوا ٹینک ایک گائیڈڈ راکٹ کا نشانہ بن کر تباہ ہوگیا اور اس میں موجود سبھی صیہونی فوجی ہلاک اور زخمی ہوگئے۔ کچھ دیر پہلے بھی حزب اللہ نے صیہونی فوج کی گولانی بریگیڈ کے کمانڈ ہیڈکوارٹر پر میزائلی حملہ کیا ہے۔