یمن جنگ ، اقوام متحدہ نے فریقین سے امن کے قیام کی اپیل کردی

صنعا(شوریٰ نیوز)یمن جنگ ، ، اقوام متحدہ نے فریقین سے امن کے قیام کی اپیل کردی، عالمی برادری کی مسلسل کوششوں سے یمن میں پرامن مقاصد حاصل کئے جا سکتے ہیں ان خیالات کا اظہار یمن کے امور میں اقوام متحدہ کے خصوصی نمائندے ہینس گرینڈ برگ نے ایک بیان میں یمن کی موجودہ صورت حال کو بحرانی قرار دیتے ہوئے اس ملک میں ایک سیاسی راہ حل کے حصول کے لئے بین الاقوامی حمایت کو جاری رکھے جانے کی ضرورت پر زور دیتے ہوئے کیا۔ انھوں نے کہا کہ عالمی برادری کی مسلسل کوششوں سے یمن میں پرامن مقاصد حاصل کئے جا سکتے ہیں۔انہوں نے یمن میں جنگ کے فریقوں سے اپیل کی کہ وہ یمن میں امن قائم کرنے کی کوشش کریں۔ہینس گرینڈ برگ نے جاپان کے نائـب وزیر خارجہ اور دیگر حکام سے ملاقات میں یمن میں فائر بندی کے لئے تمام فریقوں کی ترغیب اور اس ملک میں اقوام متحدہ کی نگرانی میں وسیع البنیاد سیاسی عمل شروع کئے جانے کی ضرورت پر زور دیا ۔