حزب اللہ لبنان نے اعلان کیا ہےکہ کل شام کو شمالی مقبوضہ فلسطین کے علاقوں شتولا، شومیرا اور ایون مناخم پر صیہونی فوج کے دو ہیلی کاپٹروں کو زمین سے ہوا میں مار کرنے والے دو میزائلوں سے نشانہ بنایا ۔
نتیجے میں صیہونی ہیلی کاپٹر علاقہ چھوڑ کر فرار کرنے پر مجبور ہوگئے۔ لبنان کی اسلامی مزاحمت نے اسی طرح متعدد بیان میں اعلان کیا ہے اس نے مناسب فوجی ہتھیاروں سے صیہونی حکومت کے ٹھکانوں کو نشانہ بنایا ہے۔
فلسطینیوں کی حمایت میں الراھب فوجی ٹھکانے پر برکان میزائل سے حملہ کیا ہے اور یہ میزائل ٹھیک اپنے نشانے پر لگے ہيں۔
لبنان کی اسلامی مزاحمت نے اسی طرح خربہ ماعر علاقے میں صیہونی ٹینکوں اور برکہ ریشا نامی فوجی اڈے کے اطراف میں غاصب صیہونی کی پیادہ فوج پر مناسب ہتھیاروں سے حملہ کیا ہے-
حزب اللہ لبنان نے گذشتہ چند دنوں کے دوران غزہ پر جارح اسرائیل کے وحشیانہ حملوں میں ہزاروں فلسطینوں کے خاک و خون میں غلطاں ہونے کے ردعمل میں مقبوضہ فلسطین میں غاصب صیہونی حکومت کے متعدد ٹھکانوں پر اپنے حملے کئے ہيں ۔
صیہونیوں ميں خوف و ہراس پیدا ہوگيا ہے اور صیہونی آباد کاروں کی ایک بڑی تعداد ان علاقوں کو چھوڑنے مجبور ہوگئی ہے۔
ٹیگ