قدس کی غاصب اور جابر صیہونی حکومت کے جنگی طیاروں نے اب سے چند گھنٹے قبل غزہ شہر کے ایک ہسپتال کو نشانہ بنایا جس میں طبی عملہ، مریض اور زخمی ہونے والے 800 سے زائد عام شہری شہید ہوئے۔
فلسطینی وزارت صحت کا کہنا ہے کہ اسرائیلی طیاروں نے وسطی غزہ کے ہسپتال "المعمدانی” کو نشانہ بنایا جس میں 500 سے زائد فلسطینی شہید ہوئے جن میں سے متعدد افراد کی حالت تشویش ناک ہے اور شہادتوں میں مزید اضافہ ہونے کا خدشہ پایا جاتا ہے۔
بعض ذرائع کا کہنا ہے کہ شہید ہونے والے افراد کی تعداد ایک ہزار سے زائد ہے،رپورٹ کے مطابق، بیت المقدس پر قابض فوج کی اس ہسپتال پر بمباری کے نتیجے میں اب بھی سینکڑوں افراد ملبے تلے دبے ہوئے ہیں۔
فلسطینی وزارت صحت کے ترجمان نے کہا کہ اس حملے کے نتیجے میں ہزاروں افراد بے گھر اور سیکڑوں طبی عملہ شہید ہوئے ہیں،انہوں نے عالمی برادری سے فوری طور پر غزہ میں طبی امداد کے لیے محفوظ راستہ دیئے جانے کا مطالبہ کیا ہے۔
غزہ کی پٹی میں الشفا کلینک کی بجلی بھی مکمل طور پر منقطع کر دی گئی ہے۔
فلسطین کی وزارت صحت نے اس سے پہلے خبردار کیا تھا کہ بجلی کی فراہمی معطل اور ایندھن ختم ہونے کی وجہ سے غزہ کے ہسپتال عملی طور پر بند ہونے کے قریب پہنچ گئے ہیں۔