ایران امریکی ڈالر پر انحصار ختم کرنے کے برکس کے اقدامات کی حمایت کرتا ہے، سید ابراہیم رئیسی

 ایران برکس اراکین کے مابین اقتصادی روابط سے ڈالر کے خاتمے، قومی کرنسیوں سے استفادے، ادائیگی اور مالیاتی فروغ کیلئےگروپ کے میکینزم کی تقویت کا خواہاں ہے۔ صدرایران

اسلامی جمہوریہ ایران کے صدر سید ابراہیم رئیسی نے جوہانسبرگ میں برکس کے پندرہویں سربراہی اجلاس سے خطاب کیا۔ انہوں نے اپنے خطاب میں کہا کہ برکس میں ایران کی رکنیت کے فوائد تاریخ ساز ہوں گے ۔

یہ رکنیت، بین الاقوامی میدان میں پائیدار امن، اخلاق اور عدل و انصاف کے قیام کی راہ میں ایک مستحکم تر قدم ثابت ہوگی اور نیا باب رقم کرے گی۔

اس وقت تسلط پسندی، نا انصافی، امتیازی سلوک اور اخلاقی بحران نے دنیا کو پیچیدہ صورت حال سے دوچار کر رکھا ہے۔ انہوں نے برکس کو بین الاقوامی تعلقات میں تبدیلی کی علامت قرار دیا۔

برکس عالمی برادری کی مشکلات کے حل میں مدد کرسکتی ہے اور اس گروپ کے مؤثر ہونے کے تئیں عالمی اعتماد میں اضافہ ہورہا ہے۔ایران برکس کے سبھی اراکین کے ساتھ ہمہ گیر سیاسی اور اقتصادی تعاون کے لئے تیار ہے۔