غزہ پر اسرائیل کے وحشیانہ اور دہشتگردانہ حملے جاری، گزشتہ 24 گھنٹوں میں صیہونی حملوں مزید 17 فلسطینی شہید جبکہ 69 زخمی ہوگئے۔
عرب میڈیا کے مطابق اسرائیلی طیاروں نے غزہ کے آخری مکمل فعال ہسپتال کو بھی تباہ کر دیا، جنوبی غزہ میں فیلڈ ہسپتال پر اسرائیلی فضائی حملے میں متعدد فلسطینی شہید اور زخمی ہوئے۔
سعودی عرب، قطر سمیت دیگر ممالک کی ہسپتال پر اسرائیلی فضائی حملے کی مذمت کی، اسرائیلی ناکہ بندی کے باعث طبی سامان اور ادویات کی قلت سے سیکڑوں مریضوں کی زندگیاں داؤ پر لگ چکی ہیں۔
فلسطینی وزارت صحت کے مطابق غزہ میں شہدا کی مجموعی تعداد 51ہزار ہوگئی جبکہ 1 لاکھ 16 ہزار 343 فلسطینی زخمی ہیں۔
واضح رہے فلسطینی صدر محمود عباس نے فرانسیسی صدر میکرون کے ساتھ ٹیلی فونک رابطہ کرکے غزہ جنگ بندی کی ضرورت اور انسانی امداد کی فوری ترسیل پر زور دیا ہے، دونوں رہنماؤں نے فلسطین کے دو ریاستی حل کو آگے بڑھانے کی ضرورت کا بھی اعادہ کیا۔
دوسری جانب حماس نے جنگ بندی کے حوالے سے اسرائیل کی نئی تجویز پر ردعمل دیتے ہوئے کہا کہ حماس کو غیر مسلح کرنے کی درخواست سننے کے قابل بھی نہیں ہے۔