غزہ میں فلسطین کے سرکاری انفارمیشن سینٹر نے بتایا ہے کہ غزہ میں 61 ہزار سے زائد فلسطینی نسل کشی کی جنگ کی بھینٹ چڑھے ہیں۔
غزہ میں فلسطین کے سرکاری انفارمیشن سینٹر نے غزہ ميں نسل کشی کی بھینٹ چڑھنے والوں کی تعداد اکسٹھ ہزار سے زیادہ بتائی ہے۔ فلسطین کے انفارمیشن سینٹر نے اپنی تازہ رپورٹ میں بتایا ہے کہ غزہ کے خلاف غاصب صیہونی حکومت کی وحشیانہ جںگ میں بیس لاکھ سے زائد فلسطینی بےگھر ہوئے ہیں۔ اس رپورٹ کے مطابق جنگ کے دوران ایک لاکھ پچاس ہزار سے زائد رہائشی مکانات تباہ ہوئے ہیں۔
اس رپورٹ کے مطابق اس جںگ میں طبی عملے کے 1 ہزار 155 افراد ، 205 صحافی اور شہری دفاع کے 194 اراکین شہید ہوئے ہیں، 34 اسپتال تباہ ہوگئے اور طبی خدمات فراہم کرنے پر قادر نہیں رہے اور اس جنگ میں نقل و حمل کے شعبے کو ڈیڑھ ارب ڈالر سے زائد کا نقصان پہنچا ہے۔