سال 2024 ٹیکسٹائل ایکسپورٹ کیلئے تازہ ہوا کا جھونکا ثابت ہوا۔
ابتدائی 6 ماہ میں ہچکولے کھانے کے بعد ایکسپورٹ میں مسلسل اضافے نے صنعتکاروں کا حوصلہ بڑھا دیا ہے، مالی سال 2024 میں انڈسٹری نے گزشتہ سال کے مقابلے میں 13 فیصد زائد مصنوعات بیرون ممالک برآمد کیں۔
جنوری میں ایک ارب 46 کروڑ، فروری میں ایک ارب 40 کروڑ، مارچ میں ایک ارب 3 کروڑ، اپریل میں ایک ارب 24 کروڑ، مئی میں 1 ارب 55 کروڑ جبکہ جون میں 1 ارب 41 کروڑ کی ٹیکسٹائل ایکسپورٹ ہوئی۔
جولائی سے صورتحال بہتر ہونا شروع ہوئی جس کے بعد پہلی ششماہی میں ٹیکسٹائل ایکسپورٹس میں 13 فیصد اضافہ دیکھا گیا ہے جس سے صنعتکاروں میں بھی خوشی کی لہر دوڑ گئی ہے۔
صنعتکاروں کا کہنا ہے کہ حکومتی پالیسیاں مزید بہتر ہوئیں اور تسلسل یونہی برقرار رہا تو انڈسٹری آئندہ سال اپنے پیروں پر کھڑی ہوجائے گی۔
واضع رہے کہ حکومت کی جانب سے 2024 کے دوران شرح سود میں بھی پانچ بار کمی کی جا چکی ہے جس کے مثبت اثرات آنے والے دنوں میں واضح ہو جائیں گے۔