زرمبادلہ کے سرکاری ذخائر میں دوسرے ہفتے بھی اضافہ

کراچی (شوریٰ نیوز)زرمبادلہ کے سرکاری ذخائر میں دوسرے ہفتے بھی اضافہ ،ہفتہ کے دوران سرکاری ذخائر میں 39 کروڑ 30 لاکھ ڈالر کا اضافہ ہوا،اسٹیٹ بینک آف پاکستان کے مطابق زرمبادلہ کے سرکاری ذخائر میں دوسرے ہفتے بھی اضافہ ریکارڈ کیا گیا ہے۔ ترجمان اسٹیٹ بینک کے مطابق 30 جون کو ختم ہونے والے ہفتہ کی دوران سرکاری زخائر میں 39 کروڑ 30 لاکھ ڈالر کا اضافہ ہوا، زرمبادلہ کے سرکاری ذخائر 4 ارب 46 کروڑ 27 لاکھ ڈالر کی سطح پر آگئے۔کمرشل بینکوں کے پاس 5 ارب 28 کروڑ 28 لاکھ ڈالر کے ذخائر موجود ہیں جبکہ 30 جون کو زرمبادلہ کے مجموعی زخائر کی مالیت 9 ارب ،74 کروڑ 55 لاکھ ڈالر ریکارڈ کی گئی۔