تجارتی خسارہ 40.5، برآمدات 12.1، درآمدات 29.2 فیصد کم ہو گئیں

اسلام آباد(شوریٰ نیوز)تجارتی خسارہ 40.5، برآمدات 12.1، درآمدات 29.2 فیصد کم ہو گئیں،پچھلے مالی سال کے دوران تجارتی خسارہ 43.40 ارب ڈالر ریکارڈ کیا گیا تھا ،ملک کے تجارتی خسارہ میں جاری مالی سال کے پہلے 11ماہ میں سالانہ بنیادوں پر 40.5 فیصد کی نمایاں کمی ریکارڈ کی گئی ہے۔مالی سال کے پہلے 11 ماہ میں ملکی برآمدات میں سالانہ بنیادوں پر12.1 فیصدکی کمی جبکہ درآمدات میں 29.2 فیصدکی شرح سے کمی ریکارڈکی گئی۔پاکستان بیوروبرائے شماریات کی جانب سے اس حوالہ سے جاری اعداد و شمار کے مطابق جولائی سے مئی 2023 تک کی مدت میں تجارتی خسارہ کا حجم 25.82 ارب ڈالر ریکارڈ کیا گیا جو گزشتہ مالی سال کی اسی مدت کے مقابلہ میں 40.5 فیصدکم ہے۔: تجارتی خسارہ، 11 ماہ میں سالانہ بنیادوں پر41 فیصد کمی،گزشتہ مالی سال کی اسی مدت میں پاکستان کا تجارتی خسارہ 43.40 ارب ڈالر ریکارڈ کیا گیا تھا، مئی میں تجارتی خسارہ کا حجم 2.128 ارب ڈالر ریکارڈ کیا گیا جو گزشتہ سال مئی کے مقابلہ میں 48.6 فیصدکم ہے، گزشتہ سال مئی میں تجارتی خساہ کا حجم 4.136 ارب ڈالر ریکارڈ کیا گیا تھا۔