وفاقی حکومت کا 290 روپے ڈالر ریٹ کے مطابق بجٹ تیار کرنیکا فیصلہ

اسلام آباد(شوریٰ نیوز)وفاقی حکومت کا 290 روپے ڈالر ریٹ کے مطابق بجٹ تیار کرنیکا فیصلہ،ڈالر کی قیمت میں کوئی بڑی تبدیلی حکومت کے اعداد و شمار کو غیر حقیقی کر سکتی ہے ، وفاقی حکومت نے 290 روپے ڈالر ریٹ پر بجٹ تیار کرنیکا فیصلہ کرلیا۔وفاقی حکومت نے 290 روپے ڈالر ریٹ پر بجٹ تیار کرنے کا فیصلہ کیا ہے اور اس حوالے سے متعلقہ محکموں کو ہدایت جاری کردی ہیں کہ وہ بجٹ 2023-24 کیلیے 290 روپے ڈالر ریٹ کے مطابق اپنے تخمینے تیار کریں جس کی وجہ سے بجٹ کے غیر حقیقی ہونے کا امکان پیدا ہوگیا ہے۔ڈالر ریٹ میں آنے والی کوئی بھی بڑی تبدیلی تمام حکومتی اعداد و شمار کو غیر حقیقی کردے گی اور اس کے نتیجے میں پیدا ہونے والی صورتحال پر قابو پانے کیلیے پھر حکومت کو سپلیمینٹری گرانٹس جاری کرنا پڑیں گی، ایکسچینج ریٹ دفاعی بجٹ، فارن ڈیبٹ سروسنگ، پبلک سیکٹر ڈیولپمنٹ پروگرام اور بیرون ملک کام کرنے والے پاکستانی مشنز کے اخراجات کو کیلکولیٹ کرنے کیلئےبہت اہم ہیں۔