سونا عالمی و مقامی مارکیٹ میں مہنگا ہو گیا

کراچی(شوریٰ نیوز)سونے کی عالمی ومقامی قیمتوں میں اضافہ، فی تولہ سونے کی قیمت 2700 روپے کے اضافے سے 235300 روپے کی سطح پر آگئی۔بین الاقوامی بلین مارکیٹ میں فی اونس سونے کی قیمت 13 ڈالر کے اضافے سے 1977 ڈالر کی سطح پر پہنچنے کے باعث مقامی صرافہ مارکیٹوں میں بھی ہفتے کو فی تولہ اور دس گرام سونے کی قیمتوں میں بالترتیب 2700 روپے اور 2315 روپے کا اضافہ ہوگیا۔کراچی، لاہور، اسلام آباد، پشاور اور کوئٹہ کی صرافہ مارکیٹوں میں فی تولہ سونے کی قیمت بڑھ کر 235300 روپے اور اسی طرح فی دس گرام سونے کی قیمت بھی بڑھ کر 201732 روپے ہوگئی۔فی تولہ چاندی کی قیمت بغیر کسی تبدیلی کے 2850 روپے اور دس گرام چاندی کی قیمت بھی بغیر کسی تبدیلی کے 2443.41 روپے کی سطح پر مستحکم رہی۔