اوپن مارکیٹ میں ڈالر کی قدر میں اضافہ

کراچی(شوریٰ نیوز) اوپن مارکیٹ میں ڈالر کی قدر میں اضافہ،انٹربینک ریٹ 44 پیسے کے اضافے سے 285.40 روپے کی سطح پر بند ہوا،،تفصیلات کے مطابق، ملکی سیاسی حالات کے باعث ڈالر کی پرواز جاری ہے، ڈالر کا انٹر بینک ریٹ 285 روپے اور اوپن ریٹ بڑھ کر 299 روپے سے تجاوز کرگیا۔انٹربینک مارکیٹ میں کاروباری دورانیے کے دوران ڈالر کی قدر میں محدود پیمانے پر اتار چڑھاؤ دیکھا گیا جس سے ایک موقع پر ڈالر کی قدر 26 پیسے کی کمی سے 284.70 روپے کی سطح پر بھی آگئی تھی لیکن درآمدی ادائیگیوں کے دباؤ کے سبب ڈالر کی دوبارہ پیش قدمی شروع ہوئی۔ ، اسی طرح اوپن کرنسی مارکیٹ میں ڈالر کی قدر یکدم 6.70 روپے کے بڑے اضافے سے 299.70 روپے کی سطح پر بند ہوئی۔ایکسچینج کمپنیز ایسوسی ایشن آف پاکستان کے سیکریٹری جنرل ظفر پراچہ کے مطابق ناگفتہ بہ سیاسی حالات سے اوپن مارکیٹ میں ڈالر کی سپلائی رک گئی ہے جبکہ بینکس بھی کیش ڈالر فراہم نہیں کررہے۔ اوپن مارکیٹ پر عمرہ زائرین کے ساتھ عازمین حج کی ڈیمانڈ بھی بڑھ گئی ہے جو اپنی ضرورت کے لیے زرمبادلہ کی خریداری کررہے ہیں اور انہی عوامل کے سبب ڈالر کے اوپن ریٹ میں نمایاں اضافے کا رحجان غالب ہوگیا ہے۔