ملک میں بجلی کی قلت بڑھ گئی

گرمی کی شدت بڑھنے سے ملک میں بجلی کی قلت بھی بڑھ گئی ہے۔

پاور ڈویژن کے مطابق ملک میں بجلی کا شارٹ فال ساڑھے 7 ہزار ميگاواٹ تک پہنچ گيا ہے۔ گزشتہ روز شارٹ فال 6 ہزار 238 میگاواٹ تھا۔

منگل کوبجلی کی پیداوار 21 ہزار 7 سو میگاواٹ اورطلب 29 ہزار 2 سو میگاواٹ ہے۔

ملک کے مختلف علاقوں میں 16 گھنٹے تک لوڈشیڈنگ کی جاری ہے۔

واضح رہے کہ نیپرا نے ایک ماہ کیلئے بجلی کی قیمت میں 7 روپے 90 پیسے فی یونٹ اضافے کی منظوری دے دی ہے، اس فیصلے سے صارفین پر 113 ارب روپے سے زائد کا بوجھ پڑے گا۔