ذرائع وزارت تجارت کے مطابق وژن پاکستان کے تحت برآمدات 100 ارب ڈالر تک پہنچائی جائیں گی، چین کی مارکیٹ میں ٹیکسٹائل اور نان ٹیکسٹائل مصنوعات کی برآمدات بڑھانے کا پلان تیار کرلیا گیا ہے۔
ذرائع کے مطابق آئندہ ماہ پاکستانی صنعتکاروں کا وفد وزیر تجارت کے ہمراہ چین کا دورہ کرے گا، جہاں چین کے سرمایہ کاروں کے ساتھ پاکستانی برآمدات بڑھانے کے پلان پر بات ہوگی۔
ملک کی بڑی کمپنیوں کے سربراہان کا وفد بھی چین کا دورہ کرےگا، برآمدات 100 ارب ڈالر تک پہنچانے کیلئے ایڈوائزری کونسلز قائم کر دی گئی ہیں۔