آئی ایم ایف بورڈ منظوری کے بعد دسمبر میں قرض کی اگلی قسط 71 کروڑ ڈالر ملنے کے امکانات ہیں
پاکستان میں بجلی کے شعبے کا گردشی قرضہ ماہ ستمبر کے اختتام تک بڑھتے ہوئے 2 کھرب 54 ارب روپے سے تجاوز کرگیا ہے باوجود اس کے کہ عالمی مالیاتی فنڈ سے معاہدے کے بعد حکومت کی جانب سے بجلی کی قیمتوں میں بے تحاشا اضافہ کیا گیا۔
وزارت مالیات کی جانب سے آئی ایم ایف سے لیے گئے 3 ارب ڈالر معاہدے کے حوالے سے پیش رفت اور کارکردگی کا جائزہ لیتے ہوئے صورت حال کو تسلی بخش قرار دیا گیا۔
پاکستان کی جانب سے آئی ایم ایف کو یہ یقین دہانی بھی کرائی گئی تھی کہ اکتوبر کے اختتام تک تمام حکومتی کھاتوں کو ایک واحد اکاؤنٹ کے تحت کردیا جائے گا ۔
جس کا نگران مرکزی بینک ہوگا تاہم اس حوالے سے ابھی معاملات تاخیر کا شکار نظر آتے ہیں، توانائی کے شعبے کے گردشی قرضوں میں گزشتہ تین ماہ کے دوران 227 ارب روپے کا اضافہ ہوا ہے۔