نگران وزیر خزانہ ڈاکٹر شمشاد اختر نے کراچی میں پی بی سی کے وفد سے کہا ہے کہ حکومت مضبوط معیشت کیلیے ٹیکس نیٹ کو بڑھائے، توانائی کے شعبہ کو درپیش مسائل کے حل کیلیے پرعزم ہے۔
گورنر سندھ کامران ٹیسوری سے نگران وفاقی وزیر خزانہ کی ملاقات کے دوران ملک کو درپیش معاشی چیلنجز، معاشی صورتحال میں بہتری کی حکمت عملی اور باہمی دلچسپی کے دیگر امور پر تبادلہ خیال کیا گیا۔
معیشت کی خوشحالی کو یقینی بنانے کیلیے حکومتی ملکیتی اداروں کی شفافیت اور گورننس میں بہتری ضروری ہے۔، اس کے علاوہ برآمدات و سرمایہ کاری بڑھانے کے اقدامات اور دیگر امور پر بھی گفتگو ہوئی۔
معاشی چیلنجز سے نمٹنے کیلیے نگران حکومت کے اقدامات لائق تحسین ہیں،سرمایہ کاری میں اضافے کیلیے سرمایہ کاروں کو مراعات دی جا رہی ہیں، نگران حکومت ملک کو معاشی بحران سے نکالنے کیلیے پرعزم ہے۔