وفاقی حکومت کی جانب سے 30 ستمبر2023 سے پانچ ہزار روپے کے نوٹ پر پابندی کے سوشل میڈیا پر وائرل نوٹیفکیشن کو جعلی قرار دے دیا گیا۔
وزارت خزانہ نے پا نچ ہزار روپے کے نوٹ کی بندش کی خبروں کی تردید کرتے ہوئے واضح کیا ہے کہ سوشل میڈیا پر وائرل نوٹیفکیشن جعلی ہے۔
پانچ ہزار روپے مالیت کے نوٹ پر کسی قسم کی پابندی عائد نہیں کی گئی، اس حوالے سے پھیلائی جانے والی خبریں بے بنیاد اور جھوٹی ہیں۔
نگراں وفاقی وزیراطلاعات مرتضی سولنگی نے بھی اپنی ٹوئٹ میں اس نوٹیفکشن کو جعلی قرار دیتے ہوئے اس کے پھیلاؤ میں ملوث افراد کے خلاف کارروائی کرنے کا عندیہ دیا ہے۔