بجٹ میں غیر اعلانیہ منصوبوں یا دیگر مد میں فنڈز خرچ نہیں کئے جائیں گے،اضافی سمپلنٹری گرانٹ کیلیے بھی سرٹیفکیٹ جمع کرانا ہو گا، متعلقہ وزارت کے پرنسپل اکاونٹ افسر کو فنڈز کیلیے جواز پیش کرنا ہو گا۔
نئی منتخب حکومت کے قیام تک کفایت شعاری پالیسی پر عملدرامد کا فیصلہ کر لیا گیا، موجودہ مالی سال سرکاری فنڈز کے استعمال سے متعلق حکمت عملی وضع کر دی گئی۔
وزرات خزانہ کے مطابق بجٹ ونگ مطلوبہ اضافی فنڈز کیلیے بغور جانچ پڑتال کرے گا، کسی قسم کے اضافی فنڈز کی کابینہ اور ای سی سی سے منظوری لازمی قرار دی گئی ہے۔
نگران وزیراعظم انوارالحق کاکڑ نے توانائی سے متعلق اجلاس کے دوران کہا کہ وزیراعظم ہاوس کا خرچہ کم سے کم کیا جائے۔