ڈالر کی قیمت بڑھنے کی وجہ ملک سے ڈالرز کی اسمگلنگ بھی ہے،غیر ملکی کرنسی کا کام کرنے والے غیرمجاز ڈیلرز کے خلاف کارروائی کی جائے گی، ڈاکٹر شمشاد اختر
نگران وزیر خزانہ کی زیر صدارت اجلاس میں ڈالر کا جائزہ لیا گیا۔ اجلاس کو بتایا گیا کہ ملک میں ڈالر کی قیمت 317 پاکستانی روپے کے مساوی ہو ہے۔
اجلاس کے شرکا نے ڈالرز کی اسمگلنگ میں غیر ملکی کرنسی کا کاروبار کرنے والے افراد کے کردار پر بحث کی اور مرکزی بینک کا کہنا تھا کہ اس اسمگلنگ میں زیادہ تر ایسے ادارے ملوث ہیں۔
غیر ملکی کرنسی کی ڈیلنگ کے مجاز نہیں ہیں لہذا ایسے اداروں اور افراد کے خلاف فوری کارروائی کی جانی چاہئے اسی لیے فیصلہ کیا گیا کہ ایف آئی اے ایسے تمام غیر مجاز کاروباری اداروں اور افراد کے خلاف کارروائی کرے گا۔
واضح رہے کہ اس سے قبل ماضی میں بھی ایف آئی اے اس طرح کی کارروائیاں کرتا رہا ہے جن کا کوئی خاطرخواہ نتیجہ برآمد نہ ہوسکا اور پاکستان میں قانون نافذ کرنے والے ادارے ڈالرز کی افغانستان اسمگلنگ کو روکنے میں ناکام نظر آتے ہیں۔
اجلاس کے دوران قیمتی پتھروں، سونے اور دیگر قیمتی دھاتوں کی اسمگلنگ کے معاملے پر بھی غور کیا گیا اور اس سلسلے میں ایک پالیسی واضح کرنے پر بھی اتفاق کیا گیا۔