رواں مالی سال کے پہلے آٹھ ماہ میں بڑی صنعتوں کی پیداوار منفی 1.9 فیصد رہی۔
ادارہ شماریات کی رپورٹ کے مطابق فروری 2025 میں ایل ایس ایم پیداوار میں گزشتہ سال فروری کی نسبت 3.51 فیصد کم ہوئی جبکہ جنوری 2025 کی نسبت فروری 2025 میں بڑے صنعتی شعبے کی پیداوار میں 5.9 فیصد کمی ہوئی۔
رپورٹ میں بتایا گیا کہ منفی شرح نمو میں تمباکو، ٹیکسٹائل، گارمنٹس، پیٹرولیم مصنوعات اور آٹوموبائل اہم کردار ادا کر رہے ہیں جبکہ غذائی اشیاء، کیمیکلز، سیمنٹ اور لوہے و فولاد کی مصنوعات کی پیداوار میں کمی واقع ہوئی ہے۔
علاوہ ازیں رواں مالی سال جولائی سے فروری تمباکو، ٹیکسٹائل اور آٹوموبائل کی پیداوار میں اضافہ ہوا ہے، غذائی اشیاء، کیمیکلز اور سیمنٹ کی پیداوار میں کمی ریکارڈ کی گئی۔