پنجاب میں اپنی نوعیت کا پہلا اور منفرد ”سہولت آن دی گو“ بازار قائم کرنے کا فیصلہ کر لیا گیا۔
وزیراعلیٰ پنجاب مریم نوازشریف نے”سہولت آن دی گو“بازار پراجیکٹ کی اصولی منظوری دے دی، لاہور میں 14 مقامات پر”سہولت آن دی گو“ بازار پائلٹ پراجیکٹ کیلئے پلان طلب کر لیا گیا۔
منصوبے میں ملتان روڈ، ہنجروال، مانگا منڈی، رائیونڈ، جی ون مارکیٹ، فیصل ٹاؤن، مون مارکیٹ اور بیدیاں روڈ شامل ہیں، ای ملت روڈ، گلشن راوی، شاہدرہ، شادمان اور سنگھ پورہ میں بھی ”سہولت آن دی گو“بازار قائم ہوں گے۔
روڈز کے اطراف یکساں طرز کے کاٹیج ٹاپ شاپس پر اشیاء خور و نوش اور اشیاء ضروریہ دستیاب ہونگی، ”سہولت آن دی گو“بازار میں صاف ستھرا ماحول اور سکیورٹی کا خاص اہتمام کیا جائے گا۔
وزیراعلیٰ مریم نوازشریف سے پنجاب ماڈل بازار مینجمنٹ کمپنی کے چیئرمین محمد افضل کھوکھر کی ملاقات ہوئٰی، پنجاب کی ہر تحصیل میں ”سہولت آن دی گو“پراجیکٹ شروع کرنے پر اتفاق کیا گیا۔
”سہولت آن دی گو“ بازار کے لئے روڈ کے اطراف سرکاری اراضی استعمال میں لائی جائے گی، وزیراعلیٰ مریم نوازشریف نے ”سہولت آن دی گو“ پائلٹ پراجیکٹ کے لئے چار ماہ کا ہدف مقررکر دیا۔
پنجاب ماڈل بازار مینجمنٹ کمپنی کے چیئرمین نے وزیراعلیٰ مریم نوازشریف کو صوبے میں ماڈل بازار پر رپورٹ پیش کی، وزیراعلیٰ مریم نوازشریف کا رمضان میں لگنے والے ماڈل بازار پر اظہار اطمینان کیا۔