کراچی کے صارفین کیلئے بجلی کی قیمت میں بڑی کمی کا امکان ظاہر کیا گیا ہے۔
ذرائع کے مطابق کراچی کے صارفین کے لئے نرخوں میں 4 روپے 84 پیسے فی یونٹ کمی کا امکان ہے جس کیلئے کے الیکٹرک نے درخواست نیشنل الیکٹرک پاور ریگولیٹری اتھارٹی (نیپرا) میں جمع کرا دی ہے۔
کے الیکٹرک نے قیمتوں میں کمی جنوری کی فیول کاسٹ ایڈجسٹمنٹ کی مد میں مانگی ہے۔
منظوری کی صورت میں صارفین کو 4 ارب 69 کروڑ کا ریلیف ملے گا، نیپرا اتھارٹی 20 مارچ کو درخواست پر سماعت کرے گی۔