پاکستان پیٹرولیم ڈیلرز ایسوسی ایشن نے 4مارچ کو پیٹرولیم ڈیلرز کی ہڑتال سے لاتعلقی کا اعلان کردیا۔
ایسوسی ایشن کے چئیرمین عبدالسمیع خان نے کراچی میں پریس کانفرنس سے خطاب کرتے ہوئے کہا کہ 4 مارچ کو ہڑتال کی جانے کے حوالے سے کچھ آوازیں آرہی ہیں، ہم نے ہڑتال کی کوئی کال نہیں دی ہے، ہمیں یہ خیال رکھنا ہے کہ ھم رمضان المبارک میں عوام کو پریشان نہیں کرنا چاہتے، ڈی ریگولیشن کے مکمل خلاف ہیں۔
ان کا کہنا تھا کہ ڈی ریگولیشن کی آواز آتے ہی ملک میں اسمگلنگ مزید بڑھ گئی، ڈیلر کمیشن اور اسمگلنگ کے حوالے سے پیٹرولیم ڈیلرز کے مسائل تاحال ہیں، ڈی ریگولیشن کے بعد غیرملکی آئل کمپنیاں سارا تیل خرید لیں گی۔
ان کا کہنا تھا کہ اسمگلنگ میں کوئی ایک ادارہ نہیں بلکہ بہت سے ادارے ہیں، وزارت پیٹرولیم کی جانب سے کوئی اقدامات اسمگلنگ کو روکنے کے حوالے سے اقدامات نہیں کیے جارہے ہیں۔
عبدالسمیع خان نے کہا کہ ہماری ایسوسی ایشن کبھی بھی وزارت سے بالکل دبدتی نہیں ہے، مجھے حکومت سے کسی اچھے توقع نہیں ہے، میں جب تک زندہ ہوں ڈیلرز کے لیے جان دے دونگا۔
چیئرمین پاکستان پیٹرولیم ڈیلرز ایسوسی ایشن نے کہا کہ دو سال قبل ڈی جی ٹی او میں رجسٹریشن کرانے گئے تھے، سندھ ہائی کورٹ میں مدمقابل پارٹی کو پاکستان پیٹرولیم کا نام استعمال کرنے سے روکا ہے، بہت بڑا گیم ہے جو ہمارے خلاف ہے۔
انہوں نے کہا کہ ڈیلرز کا دوسرا گروپ حکومت نے ہمارے خلاف کھڑا کیا ہے، ہم نے کبھی بھی کوئی غلط مطالبہ نہیں کیا ہے۔