پاکستانی فارما کمپنی نے پہلی بار مڈل ایسٹ اور نارتھ افریقہ کو ادویات برآمد کر دیں، پاکستان سٹاک ایکسچینج کو مطلع کر دیا۔
خط میں کہا گیا کہ پاکستانی فارما کمپنی نے 5 لاکھ 60 ہزار یورو کا بڑا برآمدی آرڈر کامیابی سے مکمل کرلیا، امریکی ادارے فوڈ اینڈ ڈرگ ایڈمنسٹریشن کی منظوری سے پہلی بارادویات کا برآمدی آرڈر مکمل کیا۔
فارما کمپنی کو برآمدی آرڈر کی مد میں 2 لاکھ یورو کی پیشکی ادائیگی پہلے ہوئی اور حتمی رقم 3 لاکھ 60 ہزار یورو آج موصول ہوگئی۔
پاکستانی فارما کمپنی نے مینا ریجن میں ادویات کی برآمدات کا سالانہ ہدف 8 سے 10 ملین یورو رکھا ہے، شمالی امریکا سمیت دیگر ممالک سے بھی برآمدی آرڈرز ملنے کی توقعات ہیں۔