پاکستان سٹاک مارکیٹ میں آج بھی مثبت رجحان دیکھنے میں آیا ہے۔
کاروباری ہفتے کے دوسرے روز سٹاک ایکسچینج میں کاروبار کے دوران زبردست تیزی دیکھنے میں آئی، 1600 سے زائد پوائنٹس کے اضافے کے ساتھ پاکستان سٹاک مارکیٹ میں ہنڈرڈ انڈیکس ایک لاکھ 13 ہزار 103 پوائنٹس کی حد کو چھو گیا۔
واضح رہے کہ گزشتہ روز ٹریڈنگ کے دوران سٹاک مارکیٹ میں اچانک سے تیزی دیکھنے میں آئی جو کاروباری دن کے اختتام تک برقرار رہی جس کے باعث انڈیکس 1055 پوائنٹس اضافے کیساتھ ایک لاکھ 11 ہزار 377 پوائنٹس کی سطح پر بند ہوا تھا۔
دوسری جانب انٹر بینک میں امریکی کرنسی مزید 12 پیسے سستی ہوئی ہے جس کے ساتھ انٹربینک میں ڈالر 279.22 روپے سے کم ہو کر 279.10 روپے پر آگیا ہے۔