ایل پی جی ڈسٹری بیوٹرز کی آج چار گھنٹے ہڑتال کا اعلان

لاہور(شوریٰ نیوز) ایل پی جی ڈسٹری بیوٹرز کی آج چار گھنٹے ہڑتال کا اعلان،ایل پی جی کی قیمتوں میں اضافے کیخلاف 5 اور 6 اگست کو ملک گیرہڑتال کی جائے گی۔ ایل پی جی ڈسٹری بیوٹرز ایسوسی ایشن کا لاہور میں ہنگامی اجلاس ہو،ا جس میں ڈسٹری بیوٹرز نے ایل پی جی کی قیمتیں بڑھانے والے مافیا کے خلاف پیر کے روز ہڑتال کرنے کا اعلان کردیا۔چیئرمین ایل پی جی ڈسٹری بیوٹرز ایسوسی ایشن عرفان کھوکھر نے اجلاس میں کہا کہ یہ ہڑتال حکومت کے خلاف نہیں بلکہ ایل پی جی کی ناجائز قیمتیں بڑھانے والے مافیا کے خلاف ہے۔ انہوں نے کہا کہ پیر کے روز چار گھنٹے دکانیں بند رکھیں گے۔ پیر کو لاہور سمیت ملک بھر میں 4 گھنٹے مکمل شٹر ڈاؤن ہڑتال ہوگی جبکہ 5 اور 6 اگست کو ملک بھر میں مکمل ہڑتال کی جائے گی۔