200 ادویات کی قیمتوں میں اضافے کی سمری حکومت کو ارسال

اسلام آباد(شوریٰ نیوز)200 ادویات کی قیمتوں میں اضافے کی سمری حکومت کو ارسال،عدم دستیاب دواؤں کی ترجیحی بنیادوں پر رجسٹریشن کی جائے گی، ملک میں ضروری ادویات کی عدم دستیابی کے معاملے پر پیش رفت ہوئی ہے۔ڈرگ ریگولیٹری اتھارٹی نے کہا ہے کہ عدم دستیاب دواؤں کی ترجیحی بنیادوں پر رجسٹریشن کی جائے گی اور ملک بھر میں اس وقت کئی ضروری اور جان بچانے والی دوائیں دستیاب نہیں، ملک میں اس وقت انجیو گرافی میں استعمال ہونے والی ڈائی کی بھی قلت ہے۔ماہرین کے مطابق اصلی دواؤں کی عدم موجودگی کے باعث جعلی اور اسمگل شدہ دوائیں سپلائی کی جارہی ہیں، دماغی اور اعصابی نظام کے علاج کی کئی ضروری دوائیں بھی مارکیٹ میں دستیاب نہیں ہیں۔