حزب اللہ لبنان نے میزائل حملے میں مقبوضہ فلسطین کے علاقے مرگلیوت کو نشانہ بنایا جس میں صیہونی ٹھکانوں کو بھاری نقصان پہنچا ہے-
النشرہ ویب سائٹ کی رپورٹ کے مطابق صیہونی ذرائع نے اعلان کیا ہے کہ مقبوضہ فلسطین کے علاقے الجلیل علیا میں واقع مرگیلوت علاقے پر حزب اللہ لبنان کے میزائل حملے کے نتیجے میں ایک فوجی ہلاک اور دس زخمی ہوئے ہیں- بعض ذرائع نے زخمیوں سے میں دو کی حالت نازک بتائی ہے-
اس رپورٹ میں آیا ہے کہ نسل کش صیہونی فوج نے بھی جنوبی لبنان کے علاقوں وادی ھونین، اور رامیم پر دھوئیں والے اور فاسفورس بموں کا وسیع پیمانے پر استعمال کیا ہے تاکہ اس کی آڑ میں مرگلیوت میں حزب اللہ کے حملے میں زخمی ہونے والوں کو وہاں سے نکال سکیں