گذشتہ ایک سو چونتیس دنوں سے غزہ کے مختلف علاقوں پر غاصب صیہونی فوجیوں کے حملے جاری ہیں اور آج پھر رفح پر تازہ بمباری میں متعدد فلسطینی شہید اور زخمی ہوگئے
الجزیرہ ٹی وی کی رپورٹ کے مطابق صیہونی حکومت کے جنگی طیاروں نے شہر رفح کو فضائی حملوں کا نشانہ بنایا ہے، جنوبی شہرغزہ میں واقع الزیتون کے علاقے پر آج صیہونی جنگی طیاروں نے بمباری کی اور شمالی شہر خان یونس پر بھی گولہ باری کی۔
واضح رہے کہ غزہ پر صیہونی حکومت کی 134 دنوں کی جارحیت میں شہداء کی تعداد 28 ہزار 775 اور زخمیوں کی تعداد 68 ہزار 552 تک پہنچ گئی ہے۔