غزہ کے شہر رفح پر صیہونی فوج کے شدید ہوائی حملے آج بھی جاری رہے جبکہ غزہ کے وسط میں النصیرات کیمپ پر بھی غاصب فوجیوں نے حملے کئے ہيں۔
الجزیرہ چینل کی رپورٹ کے مطابق جارح صیہونی فوجیوں نے آج صبح شہر رفح کے مشرقی علاقے پر چار مرتبہ ہوائی حملے کئے ہيں- خبری ذرائع نے جنوب مشرقی رفح پر توپخانے کے حملوں کی بھی خبر دی ہے۔
صیہونی فوجیوں نے غزہ کے وسط میں واقع النصیرات کیمپ پر بھی حملہ کرکے پانچ فلسطینیوں کو شہید اور متعدد ديگر کو زخمی کردیا- ریسکیو ٹیمیں اس علاقے میں ملبے کے نیچے دبی ہوئی لاشوں کو باہر نکالنے میں مصروف ہیں- صیہونی فوج نے غزہ کے مرکز میں البریج کیمپ پر بھی ہوائی حملے کئےہيں-