حزب اللہ نے کمانڈر کی شہادت کا انتقام لیا، صیہونی ٹھکانوں پر کئی بڑے حملے

0 251

لبنان کی اسلامی مزاحمت نے اعلان کیا ہے کہ گزشتہ روز شہید ہونے والے رضوان یونٹ کے سینئر کمانڈر شہید جواد اور شہید ہونے والے حماس کے سینئر رہنما صالح العاروری کے قتل میں صیہونیوں کے جرائم کے جواب میں مقبوضہ فلسطین کے شمالی علاقے میں صیہونی فوج کے ہیڈ کوارٹر کو نشانہ بنایا۔

تسنیم نیوز کی رپورٹ کے مطابق، لبنان کی اسلامی مزاحمتی تحریک حزب اللہ نے ایک بیان جاری کرکے شہید وسام حسن طویل کے قتل میں صیہونی حکومت کے جرم پر اپنے پہلے جوابی حملے کی خبر دی ہے۔

حزب اللہ لبنان کے بیان میں کہا گیا ہے کہ لبنان کی اسلامی مزاحمت نے صفد شہر میں دشمن کی فوج کے شمالی علاقے کے ہیڈ کوارٹرکو متعدد حملہ آور ڈرونز سے نشانہ بنایا۔

حزب اللہ کی طرف سے جاری ہونے والے بیان میں کہا گیا ہے کہ غزہ پٹی میں ثابت قدم فلسطینی قوم اور اس کی بہادر اور غیرت مند مزاحمت کی حمایت میں لبنان کی اسلامی مزاحمت نے بروز منگل 9 جنوری 2024 کو صبح 9 بج کر 30 منٹ پر مناسب ہتھیاروں سے دشمن کی فوج کی الملکیہ چھاونی کو نشانہ بنایا۔

حزب اللہ نے اپنے تیسرے بیان میں یہ بھی کہا کہ لبنان کی اسلامی مزاحمت نے صبح 9 بج کر 35 منٹ پر صیہونی فوج کے البغدادی ٹھکانے کو نشانہ بنایا جس کی وجہ سے دشمن کو براہ راست جانی نقصان پہنچا ہے۔

حزب اللہ لبنان کے بیان میں کہا گیا ہے کہ 9 بج کر 40 منٹ پر اسلامی مزاحمت لبنان نے دشمن کی فوج کی "یفتاح” بیرک کو میزائل سے نشانہ بنایا اور دشمن کو براہ راست جانی نقصان پہنچایا۔

 

جواب چھوڑیں

آپ کا ای میل ایڈریس شائع نہیں کیا جائے گا.