فلسطین کی تحریک حماس کے فوجی بازو نے اعلان کیا ہے کہ گزشتہ چار دن میں صیہونی حکومت کی 62 فوجی گاڑیوں کو تباہ کیا گیا ہے۔
فلسطین کی تحریک حماس کے فوجی بازو القسام بریگیڈ کے فوجی ترجمان ابوعبیدہ نے کہا ہے کہ گزشتہ دنوں کے دوران صیہونی فوجی گاڑیوں کی تباہی کا سلسلہ جاری رہا اور درجنوں فوجی گاڑیوں کو تباہ کیا گیا۔
ترجمان نے کہا کہ جمعہ کو القسام کے جوانوں نے بیت حانون میں اس عمارت کو بھی تباہ کر دیا جس میں صیہونی فوجی جمع ہوئے تھے۔
ابو عبیدہ نے کہا کہ حماس کے مجاہدین، میدان جنگ میں مکمل طور سے ڈٹے ہوئے ہیں اور ہر طرف فوجیوں اور صیہونی گاڑیوں کا تعاقب کر کے انھیں تباہ کر رہے ہیں۔
انھوں نے کہا کہ حماس کے جوان خود کو ایک طویل جنگ کے لئے تیار کر رہے ہیں اور فلسطین اور خاص طور سے غزہ کے مظلوم عوام خصوصاً عورتوں اور بچوں کو نشانہ بنانے والی غاصب صیہونی حکومت کے جارح فوجیوں کو چن چن کر ہلاک کر کے بے گناہوں کے خون کا بدلا لیا جائے گا۔
القسام بریگیڈ کے ترجمان نے زور دے کر کہا کہ فلسطینی مجاہدین نے بہت سے جنگی محاذوں پر غاصب صیہونی حکومت کے جارح فوجیوں کو پیچھے ہٹنے پر مجبور کر دیا ہے۔