اسرائیل سمیت امریکی صدر نے غزہ کے اسپتال پرحملے کی ذمہ داری فلسطینی گروپوں پر عائد کی ہے۔
تل ابیب میں اسرائیلی وزیراعظم نیتن یاہو سے ملاقات کے موقع پر گفتگو کرتے ہوئے امریکی صدر بائیڈن کا کہنا تھا کہ غزہ کے اسپتال پر حملہ بظاہر آپ نے نہیں دوسری ٹیم نے کیا، البتہ امریکی صدر نے اس حوالے سے کسی ثبوت کا کوئی ذکر نہیں کیا۔
تاہم برطانوی نشریاتی ادارے نے غزہ میں اسپتال پر فلسطین کی مزاحمتی تحریک حماس کے حملے کے اسرائیلی دعوؤں کو مسترد کر دیا۔
برطانوی نشریاتی ادارے نے کہا کہ کسی بھی راکٹ حملے سے ایسی بھیانک تباہی نہیں ہوتی، جیسی آج دیکھی۔
اس کے علاوہ امریکی چینل نے کہا کہ اسرائیل دعوے اب تک صرف بیانات کی حد تک ہی محدود رہے ہیں، حماس یا اسلامی جہاد کے اسپتال پر حملے کا اب تک کوئی ٹھوس ثبوت سامنے نہیں لایا گیا۔