عراقی حکام نے اتوار کے روز اعلان کیا کہ داعش دہشت گرد گروہ سے تعلق رکھنے والے ایک رکن کو بغداد کے ایک ہوٹل سے گرفتار کر لیا گیا ہے، انہوں نے واضح کیا کہ وہ سیکیورٹی اہلکاروں کے بارے میں معلومات اکٹھا کرنے کے مشن پر تھا۔
وزارت داخلہ کی فیڈرل انٹیلی جنس اینڈ انویسٹی گیشن ایجنسی (ایف آئی اے) کی طرف سے جاری کردہ ایک بیان کے مطابق، اس شخص کو بغداد میں دریائے دجلہ کے مشرقی جانب الروسافہ ضلع کے ایک ہوٹل سے گرفتار کیا گیا۔
بیان میں واضح کیا گیا ہے کہ اس شخص کو دہشت گردانہ سرگرمیوں کے سلسلے میں مطلوب مفرور کی موجودگی کے بارے میں درست معلومات ملنے کے بعد گرفتار کیا گیا، جس میں آئی ایس آئی ایس کے دہشت گردوں کو سیکورٹی اہلکاروں کے بارے میں معلومات فراہم کرنا بھی شامل ہے۔
پوچھ گچھ کے دوران عراقی سیکیورٹی کے دریافتکرنے پر اس شخص نے اعتراف کیا کہ اس کا تعلق داعش سے ہے اور اُسےنینوی میں سیکیورٹی اہلکاروں کے بارے میں ذاتی معلومات اکٹھا کرنے کے لیے تفویض کیا گیا ہے۔بیان میں اس شخص کی شناخت یا اس ہوٹل کا نام ظاہر نہیں کیا گیا جہاں سے اسے گرفتار کیا گیا تھا۔
یاد رہے کہ اقوام متحدہ کی طرف سے گزشتہ جولائی میں جاری ہونے والی ایک رپورٹ میں بتایا گیا تھا کہ عراقی فورسز کی جانب سے انسداد دہشت گردی کی کارروائیوں نے داعش کی سرگرمیوں بہت حد تک کم کردیا ہے لیکن اس کے باوجود داعش نے اپنی شورش انتہائی نچلی سطح پر برقرار رکھی ہوئی ہے۔