ڈی آئی خان، علامہ سبطین سبزواری کی علامہ غلام حسن جاڑا کی عیادت

شیعہ علماء کونسل پاکستان کے مرکزى نائب صدر علامہ سید سبطین حیدر سبزواری نے دورہ ڈیرہ اسماعیل خان کے دوران بزرگ عالم دین علامہ غلام حسن جاڑا سے ملاقات اور عیادت کی۔ اس موقع پر علامہ رمضان توقیر بھی موجود تھے، علامہ سبطین سبزواری نے علامہ غلام حسن جاڑا کی خیریت دریافت کی اور ان کی صحتیابی کیلئے دعا کی۔ واضح رہے کہ علامہ غلام حسن جاڑا کا شمار ملک کے بزرگ ترین شیعہ علمائے کرام میں ہوتا ہے اور ان کی دینی خدمات کسی تعارف کی محتاج نہیں۔