معروف ترانہ "سلام فرماندہ” بلتی زبان میں”سلام یا مہدیؑ” کے عنوان سے ریلیز
ترانے کی ریکارڈنگ میں قم میں موجود علمائے کرام کے بچوں اور بچیوں نے بھی خصوصی شرکت کی ہے اور قم کے مقدس مقامات جیسے حرم حضرت فاطمہ معصومہؑ، مسجد مقدس جمکران اور دیگر مقامات پر اسکی ویڈیو ریکارڈنگ کی گئی ہے
انقلابی ترانہ سلام فرماندہ بلتی زبان میں "سلام یا مہدیؑ” کے عنوان سے ریلیز ہوگیا ہے۔ اطلاعات کے مطابق، اس پروجیکٹ کے ڈائریکٹر ابراہیم صابری نے کہا ہے کہ معروف انقلابی ترانہ سلام فرماندہ بلتی زبان میں "سلام یا مہدیؑ” کے عنوان سے بلتستان کے معروف منقبت خوان شاعر حجۃ الاسلام نادم شگری اور حافظ محمد تقی ذاکر کی آواز میں جامعہ روحانیت بلتستان پاکستان کی جانب سے ریلیز کیا گیا ہے۔ ترانے کی ریکارڈنگ میں قم میں موجود علمائے کرام کے بچوں اور بچیوں نے بھی خصوصی شرکت کی ہے اور قم کے مقدس مقامات جیسے حرم حضرت فاطمہ معصومہؑ، مسجد مقدس جمکران اور دیگر مقامات پر اس کی ویڈیو ریکارڈنگ کی گئی ہے۔ انہوں نے کہا امید ہے کہ اس کاوش سے بلتی زبان سمجھنے والے تمام مؤمنین کے ساتھ دیگر محبان اہل بیت ؑ بھی محظوظ ہوں گے۔ ترانے کے حصول کے لئے جامعہ روحانیت کے یوٹیوب چینل پر کلک کریں: