شوریٰ علمائے جعفریہ پاکستان کے ترجمان علامہ غلام مصطفیٰ انصاری نے فلسطین میںاسرائیلی بربریت کی مذمت کرتے ہوئے کہا کہ نہتے فلسطینیوں کو قتل کرکے نسل کشی کی جارہی ہے۔ مغربی دنیا کی طرف سے بچوں اور فلسطینیوں کے قتل پر چشم پوشی قابل مذمت ہے۔
غلام مصطفیٰ انصاری کا کہنا تھا کہ عالمی برادری سے پر زور اپیل کرتے ہیں کہ اسرائیلی بربریت کا نوٹس لے۔ جنگ کسی مسئلے کا حل نہیں۔ عالمی طاقتوں کو بیٹھ کر مسئلہ فلسطین کا فوری اور دیرپا حل نکالنا چاہیے۔ معصوم بچوں، خواتین اور بزرگوں کو اسرائیلی مظالم سے نجات دلانا پوری دنیا کی اجتماعی ذمہ داری ہے۔ پاکستان فلسطینی بہن بھائیوں کی سیاسی اور اخلاقی مدد جاری رکھے گا۔