ایک اہم دریافت میں ماہرین فلکیات نے زمین سے 12 ارب نوری سال دور واقع ایک ستارے کے گرد پانی کے ایک بہت بڑے ذخیرے کا پتہ لگایا ہے۔
یہ غیر معمولی دریافت بِگ بینگ کے فوراً بعد خلاء میں سفر کرنے والی ستارے کی روشنی کے ساتھ ساتھ ابتدائی کائنات کی ایک بے مثال جھلک فراہم کرتی ہے۔
پانی کے اس ذخیرے کا تخمینہ زمین کے سمندروں کے حجم 140 کھرب گنا زیادہ ہے۔ یہ ایک انتہائی بڑے بلیک ہول کے قریب واقع ہے جس کا وزن سورج سے تقریباً 20 ارب گنا زیادہ ہے۔
ستارے کی شناخت APM 08279+5255 کے طور پر کی گئی ہے جو ایک ہزار کھرب سورجوں سے پیدا ہونے والی توانائی کے برابر ناقابل یقین مقدار میں توانائی خارج کرتا ہے۔
ناسا کے سائنسدان میٹ بریڈ فورڈ نے اس دریافت کی اہمیت پر روشنی ڈالی۔ انہوں نے کہا کہ اس ستارے کے ارد گرد کا ماحول غیر معمولی ہے کیونکہ یہ کافی مقدار میں پانی پیدا کر رہا ہے۔
انہوں نے وضاحت کی کہ اس سے پتہ چلتا ہے کہ پانی کائنات کے ابتدائی لمحات میں بھی موجود رہا ہے۔