ٹیلی کمیونیکیشن سروس پرووائیڈر O2 نے ایک مصنوی ذہانت پر مبنی ایک فیچرمتعارف کرایا ہے جو صارفین کو مشتبہ کالز کے حوالے سے متنبہ کرے گا۔
برطانوی کمپنی کا کہنا تھا کہ نیا کال ڈیفنس فیچر کال نمبر کے رویے کا تجزیہ کرنے کے لیے ایڈپٹیو اے آئی کا استعمال کرتا ہے تاکہ اس بات کا تعین کی جا سکے کہ آیا یہ درست کال ہے یا کوئی اسپیم کال ہے۔
اگر فیچر کے مطابق کال اسپیم کے تمام معیار پورے کرتی ہے تو صارف کی فون اسکرین پر انتباہ ظاہر ہوگا۔ تاہم، ان کے پاس یہ اختیار ہوگا کہ وہ یہ کال اٹھائیں یا نہیں۔
مشتبہ کالز کی شناخت کی یہ ٹیکنالوجی سیکیورٹی فرم Hiya نے بنائی ہے۔