8 فروری کو انٹرنیٹ معطل کرنا معلومات تک رسائی اور آزادی اظہار پر پابندی تھی،فریڈم نیٹ ورک

فریڈم نیٹ ورک کی جانب سے جاری ہونے والی سالانہ رپورٹ میں کہا گیا ہے کہ 8 فروری کے عام انتخابات میں موبائل نیٹ ورک بند اور انٹرنیٹ معطل کرنا معلومات تک رسائی اور آزادی اظہار پر پابندی تھی۔

رپورٹ میں کہا گیا ہے کہ ای سیفٹی اور پرسنل ڈیٹا پروٹیکشن بل پاکستانی ڈیجیٹل معیشت کے لیے خطرہ ہوں گے، یہ بل منظور ہوئے تو گوگل، فیس بک، ایکس اور یوٹیوب پاکستانی حکام کے مانگنے پر پاکستانی صارفین کا ڈیٹا فراہم کرنے کے پابند ہوں گے۔

ایسا کرنے سے جبری سنسر شپ کو ادارہ جاتی شکل مل جائے گی ، 12 ماہ کے دوران پاکستان میں 4 صحافی قتل ہوئے۔ صحافیوں کو ہراساں کرنے کے 104 واقعات سامنے آئے، 200 سے زیادہ صحافیوں اور بلاگرز کو 70 سے زائد قانونی نوٹسز بھیجے گئے۔