یہ پینٹ سورج سے آنے والی mid-infrared شعاعوں کو 80 فیصد تک منعکس (reflect) کرنے کی صلاحیت رکھتا ہے جو عام پینٹ سے 10 گنا زیادہ ہے۔
اسٹینفورڈ یونیورسٹی کیلیفورنیا کے سائنسدانوں نے ایک ایسا پینٹ ڈیزائن کیا ہے جو ایئر کنڈیشنرز اور ہیٹر کی طرح کام کرے گا۔یہ پینٹ کئی رنگوں کی اقسام میں آتا ہے۔
اگر اسے صحیح طریقے سے استعمال کیا جائے تو یہ بجلی کے بلوں میں خاطر خواہ کمی لاسکتا ہے،mid-infrared شعاعیں عام طور پر عمارت کی سطحوں پر گرمی کے طور پر جذب ہوتی ہیں۔
اس پینٹ کو جب کسی عمارت کے باہر استعمال کیا جاتا ہے تو پینٹ گرمی کو باہر رکھتا ہے، اسے اندر داخل ہونے نہیں دیتا، یہ پینٹ سال بھر کی بجلی کی بچت کا حل دیتا ہے ۔