آسٹریلیا کی ریاست نیو ساؤتھ ویلز کے ایک دیہی علاقے میں شہابِ ثاقب کے سبب بننے والا دنیا کا سب سے بڑا گڑھا دریافت ہوا ہے۔
نیو ساؤتھ ویلز کے علاقے ڈینی لیکوئین میں پائے جانے والے اس گڑھے کا قطر 520 کلو میٹر تک متوقع ہے۔ یہ میکسیکو میں موجود چِکسولیوب گڑھے سے تین گُنا بڑا ہے۔
چِکسولیوب گڑھا 6 کروڑ 50 لاکھ سال قبل زمین پر گرنے والے شہابِ ثاقب کے سبب وجود میں آیا تھا جس کی وجہ سے تمام ڈائنو سار معدوم ہوگئے تھے۔
اس گڑھے کا کھدائی کے بعد جائزہ لیا جانا باقی ہے لیکن ماہرین کے خیال میں اس کا تعلق بھی جانداروں کی بڑی تعداد میں اموات سے ہوسکتا ہے۔